Саудия ҳукумати мамлакат қиролининг укаси Аҳмад бин Абдулазиз ва жияни Муҳаммад бин Найеф бин Абдулазизни ҳибсга олди. «РБК»нинг ёзишича, бу ҳақда тахтга яқин манбаларига асосланиб, Wall Street Journal (WSJ) хабар бермоқда.
Қайд этилишича, бунга уларнинг давлатга хиёнатда гумонлангани сабаб бўлган. Уларнинг айбдорлиги исботланган тақдирда иккови ҳам узоқ муддатли қамоқ ёки ўлим жазосига ҳукм қилишини мумкин.
Нашрда айтилишича, қўлга олинганлар қироллик тахтига давогар ва қиролнинг ўғли, валиаҳд шаҳзода Муҳаммад бин Салмоннинг эҳтимолий рақиблари ҳисобланган. Уларнинг иккаласи ҳам бир вақтнинг ўзида Саудия Арабистони Ички ишлар вазирлигига раҳбарлик қилган, аммо яқинда уларнинг позициялари сезиларли даражада заифлашган.
Қайд этилишича, терроризмга қарши курашишга масъул бўлган Муҳаммад бин Найеф узоқ вақт Америка разведка хизматларининг ишончли ҳамкори ҳисобланган. 2017 йилда у ички ишлар вазири лавозимини тарк этишга мажбур бўлганида АҚШ давлат департаменти бундан жуда хафа бўлган.
Эслатиб ўтамиз, 2017 йилнинг 5 ноябрида 11 нафар шаҳзода, тўрт нафар амалдаги ва ўнлаб собиқ вазир коррупцияга алоқадор ишлар юзасидан ҳибсга олинган эди. 22 январь куни улар 100 миллиард доллар тўлаган тақдирда ҳукумат уларни озод қилиш ва ҳибсга олинган шаҳзодалардан барча айбловларни олиб ташлашга тайёр эканлигини билдирган эди. Миллиардлаб доллар компенсация тўланганидан сўнг Ар-Риёддаги Ritz Carlton беш юлдузли меҳмонхонасида ушлаб турилган барча юқори мансаб эгалари ва бизнесменлар қўйиб юборилган. Саудия Арабистони бюджетига мазкур компенсация тўловларидан юз миллиард доллардан кўпроқ маблағ тушган.
Изоҳ (0)