Ўзбекистон ИИВда 6 март куни АҚШнинг Ўзбекистондаги элчихонаси АҚШ давлат департаменти Гиёҳванд моддаларга қарши курашиш ва ҳуқуқни татбиқ этиш халқаро масалалари бўйича бюроси директори Рассел Сингер билан одам савдосига қарши курашиш масалаларида учрашув ўтказди.
ИИВ матбуот хизматининг хабар беришича, учрашувда Рассел Сингерга одам савдосига қарши курашиш масалалари бўйича кичик комиссия томонидан амалга оширилаётган ишлар, жумладан, ушбу йўналишдаги жиноятларни фош этиш, уларни олдини олиш, бундай жиноят жабрдийдаларини ҳимоя қилиш ва ёрдам бериш юзасидан батафсил маълумот берилди,
Шунингдек, АҚШ элчихонаси вакилини қизиқтирган бошқа саволларига жавоб берилган.
Учрашув якунида АҚШ давлат департаменти Гиёҳванд моддаларга қарши курашиш ва ҳуқуқни татбиқ этиш халқаро масалалари бўйича бюроси билан ИИВ ўртасида жиноятчиликка, жумладан, одам савдосига қарши кураш соҳасида ҳамкорликни янада кенгайтириш масалаларини кўриб чиқиш бўйича келишувга эришилди.
Аввалроқ Ўзбекистон ички ишлар вазири АҚШ элчиси билан учрашгани, учрашув чоғида тарафлар ўзаро ҳамкорликка доир масалаларни муҳокама этиб, Ўзбекистон экспертларининг АҚШга танишув ташрифини ташкил этиш борасида келишиб олгани хабар берилган эди.
Изоҳ (0)