Tashrif chog‘ida mehnat sharoitlari, xavfsizlik mezonlari hamda ishchilarning fikr-mulohazalari baholandi.
O‘zbekiston kasaba uyushmalari federatsiyasi kengashi kadrlarni o‘qitish doirasida O‘zbekistondagi yirik sanoat korxonalarini monitoring qilishni boshladi. “O‘zbekiston kasaba uyushmalari federatsiyasi o‘quv markazi” NTMdagi Toshkent shahri va Toshkent viloyati kasaba uyushmalari tashkilotlari uchun malakali ta’lim jarayonlari IMZO zavodiga tashrif bilan boshlandi — 23 kishilik delegatsiya zavod tarixi va texnika xavfsizligi bilan tanishdi, shuningdek, korxona faoliyatini va ishlab chiqarilayotgan mahsulotlarni o‘rgandi. Monitoringning birinchi bosqichida IMZO zavodiga eng yuqori baholar berildi.
“Ushbu korxonada haqiqatan ham xodimlar uchun yaratilgan sharoitlarni ko‘rib turish biz uchun juda quvonarli. Mehnat muhofazasi bo‘yicha darslar o‘tkazilishi uchun alohida zal ajratilgan, ishlab chiqarish darslari o‘tkazilmoqda. Mehnat muhofazasi xizmati yaxshi faoliyat ko‘rsatmoqda – ularning kabineti qanday tashkillashtirilganiga guvoh bo‘ldik, xodimlarga maxsus kiyim, maxsus oyoq kiyim, shaxsiy himoya vositalari taqdim etilar ekan. Biz IMZO’da xodimlar uchun yaratilgan aynan mana shu sharoitlar O‘zbekiston Respublikasidagi barcha korxonalar bo‘ylab tarqalishini juda ham istagan bo‘lardik. Biz bularni o‘zlashtirishimiz va barchaga ulashishimiz lozim», – deydi Kasaba uyushmalari birlashmasi shahar kengashi mehnat muhofazasi bo‘limi boshlig‘i Ravshan Maxamadaliyev.
Kasaba uyushmalari tashkilotlari va mehnat muhofazasi vakillari IMZO zavodida xodimlarga ikki mahal ovqat berilishi (tushlik va tushlikdan keyingi ovqat)ni, barcha ishchilarning texnika xavfsizligi qoidalariga rioya qilishini, ularning ish joyida ko‘rsatmalar va mehnat muhofazasi bo‘yicha jurnallar bilan ta’minlanganini ham ijobiy baholadilar. Korxona hududi sanitariya normalariga mos, ko‘kalamzorlashtirilgan va ozoda, ishlab chiqarish esa zamonaviy avtomatlashtirilgan uskunalar bilan jihozlangan.
O‘zbekiston kasaba uyushmalari federatsiyasi apparatining Mehnatni muhofaza qilish boshqarmasi boshlig‘i Nodira Karimovaning aytishicha, ular bir vaqtning o‘zida barcha jihatlarni baholaydilar: mehnat sharoitlari, harorat rejimi, mikroiqlim, texnik hujjatlar, mehnat gigiyenasi, mehnat muhofazasi va texnika xavfsizligi kabinetlarining axborot stendlari va plakatlari bilan ta’minlanganligini ham.
“Birinchi navbatda, tashqi holat kuzatiladi. Ishchilar bilan gaplashamiz – ular rozimi, ularning huquqlari ta’minlanyaptimi, ular uchun qanday sharoitlar yaratilgan. Birinchi taassurotimiz – ishchilar zavodga bajonidil borishmoqda. Korxonaning o‘zi chiroyli, shinam, ovqatlanish yaxshi – biz mehnat muhofazasi bo‘yicha mutaxassis sifatida ijtimoiy masalalarga ham diqqatimizni qaratamiz: ish beruvchi ishchilar bilan qanday munosabatda bo‘lishiga, ular qanday o‘zaro munosabatda bo‘lishiga. Ko‘rib turibmanki, barcha qonuniy talablar amalga oshirilmoqda, har bir korxona mustaqil tarzda belgilaydigan imtiyoz normalari ortig‘i bilan taqdim etilmoqda. Menda juda ijobiy taassurotlar paydo bo‘ldi – bu yerda hamma hayrixoh, yangi texnologiyalar joriy qilingan, dekor mavjud. Eng asosiysi esa barchasi O‘zbekistonda ishlab chiqarilmoqda, mahsulotlarni mahalliylashtirish, yangi ish o‘rinlari bu — IMZO zavodi uchun katta plyus”, — dedi Nodira Karimova.
O‘qish so‘ngida Toshkent shahri va Toshkent viloyati kasaba uyushmalarining birinchi guruhi “O‘zbekiston kasaba uyushmalari federatsiyasi o‘quv markazi” NTMda “Munosib ish asoslari”ga oid 40 soatlik ta’lim bo‘yicha test sinovlaridan o‘tdi. AKFA Group’ning Mehnat muhofazasi, texnika xavfsizligi va atrof-muhitni himoya qilish bo‘limi maslahatchisi Nafisa To‘rabova mehnat muhofazasi bo‘yicha yuqori kasbiy malakasini va bajaradigan ishining bekam-u ko‘st ekanligini tasdiqlovchi sertifikatni qo‘lga kiritdi.
Reklama huquqi asosida.
Izoh (0)