Жаҳон бозоридаги асосий нефть етказиб берувчи компаниялар дунёда нархларнинг кескин пасайгани туфайли тахминан 10 миллиард доллар миқдорида зарар кўрган. Бу ҳақда Халқаро валюта жамғармаси раҳбари Кристалина Георгиева маълум қилган, деб ёзмоқда «РБК».
Унинг сўзларига кўра, ушбу пастлашга COVID-19 коронавируси тарқалиши оқибатида нефть маҳсулотларига бўлган талабнинг тушиб кетгани сабаб бўлган.
«Нефть нархлари йил бошидан 15 фоиздан кўпроқ миқдорда пастлади, бу асосий нефть экспортёрлари даромадларининг тахминан 10 миллиард долларга камайишга олиб келди», — дейди Георгиева.
Шунингдек, у COVID-19 коронавирусининг тарқалгани жаҳон иқтисодиётининг тараққиётига салбий таъсир кўрсатиши, Дунё ЯИМ ўсиши 2020 йилда аввал кутилганидан кўра ва ҳатто ўтган йилги кўрсаткичдан ҳам камроқ бўлишини тахмин қилди.
«Лекин ушбу қисқариш жараёнини зарари қай даражада бўлиши ва инқирознинг қанча вақт давом этишини олдиндан айтиш мушкул. Бу эпидемиянинг тарқалиши ва биз амалга оширган ҳаракатларнинг қандай самара беришига боғлиқ», — деган ХВЖ раҳбари.
Георгиева аввал тарқалган эпидемиялар сабаб кузатилган инқирозлардаги тажриба барча зарарларнинг учдан бир қисмини одамлар ўлими, ишчи ўринларининг йўқолиши, карантин чоралари туфайли тўғридан-тўғри зиён ташкил қилса, қолган икки қисмда истеъмолчилар талабининг қисқариши, бизнес муҳитининг ёмонлашуви ва молия бозори назооратининг кескинлашуви эгаллайди.
«Ушбу салбий ҳолатларнинг таъсирини камайтириш учун аҳолининг заиф қатламлари ва аҳволи оғирлашадиган мамлакатларга кўмак беришга тайёрмиз», — дейди ХВЖ баёнотида Георгиева.
Изоҳ (0)