Наманган вилоятининг Тўрақўрғон туманида ҳоким ўзгарди. Бу ҳақда «Дарё» мухбири Азизбек Абдувалиев хабар бермоқда.
Шу пайтга қадар Ўзбекистон Хотин-қизлар қўмитаси раисининг биринчи ўринбосари лавозимида ишлаб келган Зулайҳо Маҳкамова туман ҳокими этиб тайинланди.
Зулайҳо Маҳкамова 1968 йили Наманган вилоятининг Янгиқўрғон туманида туғилган. Наманган давлат педагогика институти ҳамда Президент ҳузуридаги давлат ва жамият қурилиши академиясини тамомлаган.
У Янгиқўрғон туман ҳокимининг ўринбосари, вилоят касаба уюшмалари ташкилотлари бирлашмаси раиси, Наманган вилоят ҳокимининг ўринбосари — хотин-қизлар қўмитаси раиси сифатида фаолият кўрсатган.
2018 йил апрелида Ўзбекистон Хотин-қизлар қўмитаси раисининг биринчи ўринбосари лавозимига тайинланганди.
Зулайҳо Маҳкамова 4 март, чоршанба куни, Тўрақўрғон туманида бўлиб ўтган фаоллар йиғилишида туман ҳокими сифатида таништирилди. Йиғилишда Президентнинг давлат хизмати ва давлат ҳокимияти органлари билан ҳамкорлик қилиш масалалари бўйича маслаҳатчисининг биринчи ўринбосари Қаҳрамон Қуронбоев, вилоят ҳокими Хайрулло Бозоров иштирок этди.
Мавзуга доир:
- Мақсуда Мустафоева Қарши тумани ҳокими этиб тайинланди
- Андижоннинг Бўстон туманига Садбархон Мамитова ҳоким бўлди. У Жалақудуққа 12 йил ҳокимлик қилган аёлнинг шогирди ҳисобланади
- Наргиза Неъматова Олот туманига ҳоким бўлди. У сўнгги 10 кунда ҳоким этиб тайинланган иккинчи аёл бўлди
- Боёвут туманига аёл киши ҳоким этиб тайинланди
Изоҳ (0)