Ўзбекистондаги биринчи дискаунтер тармоғи — Havas бир ёшда!
Бир йил аввал Тошкент аҳлига ўз эшикларини очган Havas дискаунтер тармоғи ўзининг ҳамёнбоп нархлари ҳамда алоҳида қулайликлари мавжудлиги билан харидорлар эътиборига сазовор бўлди. Қисқа муддат ичида 45 та дўкон очишга муваффақ бўлган Havas тармоғи янада кўпроқ қулайликлар яратиш устида тинимсиз иш олиб бормоқда. Бир йиллик шодиёна муносабати билан Havas дискаунтер тармоғи харидорлар учун янги чегирмалар ҳамда махсус акцияни тақдим этмоқда. Акция доирасида кўплаб маҳсулотларни доимгидан ҳам янада арзонроқ нархда харид қилишингиз мумкин. Акция 2 мартдан 29 мартгача давом этади.
Дискаунтер дўконларининг бошқа дўконлардан фарқи нима?
Дискаунтер — истеъмолчига имкон қадар паст нархларда сифатли маҳсулот етказиб берувчи ҳамда аҳоли яшаш жойларига яқин жойлашган чакана савдо форматидир.
Европанинг Aldi, Lidl, Туркиянинг BIM, A101, Hakmar каби дунёнинг етакчи дискаунтер тармоқлари юқорида келтирилган барча сифатларни қамраб олган. Дискаунтер тармоқларига бўлган талаб йилдан йилга тобора ортиб бормоқда, чунки бу давр талабидир.
Havas тармоғининг эътиборга сазовор жиҳатларидан бири — барча маҳсулотларнинг арзонлиги, дўконлардаги қулай шароит ҳамда аҳоли яшаш жойларига бевосита яқин жойлашганлигидир. Havas дискаунтер тармоғи ҳозирда Тошкент шаҳрининг барча туманларида мавжуд. Бу эса ўз навбатида, шаҳар аҳлига ўзлари учун қулай бўлган Havas дўконларида сифатли ва ҳамёнбоп харидларни амалга ошириш имконини беради.
Таъкидлаш жоизки, барча эришилган ютуқлар харидорларнинг Havas тармоғига бўлган меҳри ва ишончи мевасидир! Havas жамоаси тармоқнинг барча харидорлари ва мижозларига ўз навбатида катта миннатдорчилик билдиради. Айнан харидорлар Havas жамоасини илҳомлантиради ва янги қулайликлар ҳамда янги имкониятлар яратишга ундайди.
Келгуси йилларда Havas тармоғи Ўзбекистоннинг барча шаҳар ва туманларида харидорлар учун ўзининг қулай, ҳамёнбоп ва шинам дўконларини очишни режалаштирмоқда.
Мамлакатимиз иқтисодиётининг ривожланишига ҳисса қўшиш ва халқимизга юқори даражада хизмат кўрсатиш — Havas жамоасининг олий мақсади.
Havas дискаунтер тармоғи ҳақидаги сўнгги янгиликларни ижтимоий тармоқлар орқали кузатиб боришингиз мумкин:
Telegram: https://t.me/havasuz
Facebook: fb.com/havasuz
Instagram: @havasuz
Дискаунтерларнинг манзиллари ҳақида сайтимиздан маълумот олишингиз мумкин: https://havasfood.uz/uz/markets
Реклама ҳуқуқи асосида.
Изоҳ (0)