Ўзбекистон Республикаси Президентининг 2019 йил 27 декабрь куни мамлакат ёшлари билан ўтказган учрашуви давомида ёшларни маданият ва санъат, жисмоний тарбия ва спортга кенг жалб қилиш, аҳоли ва ёшлар ўртасида компьютер технологиялари ва интернетдан самарали фойдаланиш, ёшлар маънавиятини юксалтириш, улар ўртасида китобхонликни тарғиб қилиш, ҳудудларда тикув-трикотаж маҳсулотлари ишлаб чиқаришни ташкил этиш ва хотин-қизлар бандлигини таъминлашдек 5 та муҳим ташаббусни илгари сурган эди.
Юқоридаги ташаббуслардан келиб чиқиб, ёшлар билан ишлаш бўйича самарали ишларни ташкил этиш мақсадида «Ҳудудий электр тармоқлари» акциядорлик жамияти раҳбарияти томонидан «Фарғона ҳудудий электр тармоқлари корхонаси» АЖ тизимида меҳнат қилаётган ёшлар билан учрашуви ўтказилди.
Учрашувда «Ҳудудий электр тармоқлари» АЖнинг бошқарув раиси ўринбосари Р.О.Раимов вилоятнинг энергетика соҳасида меҳнат қилаётган ёш ходимлар билан алоҳида ишлашнинг самарали тизимини йўлга қўйиш лозимлиги таъкидлаб, уларни етук мутахассис ва юксак маънавиятли инсон қилиб тарбиялаш борасида чора–тадбирлар белгилаш лозимлигини айтиб ўтди.
Учрашув давомида тизимда меҳнат қилаётган ёшларнинг қизиқишлари, келажакдаги режалари, ҳаётдаги мақсадлари ҳақида суҳбатлашилди.
Тадбир сўнгида «Ҳудудий электр тармоқлари» АЖнинг бошқарув раиси ўринбосари Р.О.Раимов томонидан тизим таркибида меҳнат қилаётган ёш ходимларнинг меҳнат шароитларини яхшилаш, уларни ҳар томонлама қўллаб–қувватлаш, ёшлар ўртасида соғлом муҳит яратиш, келажак фаолиятларига кенг йўл очиб бериш борасида тегишли тавсия ҳамда кўрсатмалар бериб ўтилди.
«Фарғона ҳудудий электр тармоқлари корхонаси» АЖ матбуот хизмати
Реклама ҳуқуқи асосида.
Изоҳ (0)