Суриянинг SANA ахборот агентлиги ҳукумат ҳарбий ҳаво кучларининг иккита самолёти Идлиб вилояти яқинида турк ҳарбийларининг ҳужумига учраганини хабар қилди. Учувчиларнинг самолётлардан сакрашга улгургани ва соғ-саломат экани айтилмоқда.
Аввал Сурия ҳукумати ҳарбий ҳаво кучларининг Идлиб осмонида йўқ қилингани ҳақида Туркиянинг ТRT ва CNN Turk телеканаллари хабар қилганди. CNN Turk телеканали самолёнинг вилоят шарқий қисми Саракиб шаҳридаги мухолифот кучлари томонидан уриб туширилганини билдирган.
Шунингдек, Twitter’да Идлибда Россиянинг Су-24 самолёти уриб туширилгани ҳақида хабарлар тарқалганди. Россия Мудофаа вазирлиги ушбу маълумотни инкор қилган.
SANA агентлиги 1 март, якшанба куни, тонгда Саракиб шаҳрида Сурия мухолифоти гуруҳлари томонидан аниқланган Туркия дронининг йўқ қилингани ҳақида ёзганди.
Бундан ташқари, Дамашқ Идлибдаги ҳаво йўлларини ёпишга қарор қилган. Ушбу майдонда учган ҳар қандай қурилма Сурияга нисбатан душманлик ҳаракати сифатида баҳоланиб йўқ қилинади.
Идлибдаги вазият Туркиянинг Сурия ҳукумати қўшинларига қилган ҳужуми оқибатида чигаллашган. Февраль охирида Анқара Суриянинг ҳаводан ҳужуми оқибатида 30 нафар турк ҳарбийсининг ҳалок бўлганини тасдиқлаган ва ушбу ҳаракатга ҳужум билан жавоб қайтарганди. Россия Мудофаа вазирлиги ҳалок бўлган турк ҳарбийларининг катта ҳужум режалаштирган террорчилик гуруҳлари билан бирга бўлганини маълум қилган.
Изоҳ (0)