Самарқанд вилояти Нуробод туман ИИБсига 26 февраль куни туманнинг Меҳнаткаш маҳалласида яшовчи, фуқаро Н.Э. «Ғузор—Самарқанд» автомобиль йўли ёқасида қўйларини боқиб юрганида бир дона қўйини номаълум шахс қора рангли Captiva’сига юклаб, олиб кетганлиги ҳақида ариза билан мурожаат қилган, деб хабар беради Самарқанд вилояти ИИБ ахборот хизмати.
Туман ИИБ тезкор ходимлари томонидан олиб борилган тезкор қидирув тадбирлар давомида, Самарқанд йўналиши бўйлаб ҳаракатланиб келаётган Captiva тўхтатилиб текширилганида, машинанинг орқа қисмига бир бош қўй ортилганлиги аниқланиб, ашёвий далил сифатида расмийлаштирилган. Машинани Нарпай тумани Оқтош шаҳри С.Айний кўчасида яшовчи, 1997 йилда туғилган Э.С. бошқарган.
Мазкур ҳолат юзасидан Жиноят кодексининг 169-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)