АҚШнинг Вашингтон штати соғлиқни сақлаш департаментининг маълум қилишича, 29 февраль куни коронавирус инфекцияси билан боғлиқ штатда биринчи ўлим ҳолати қайд этилди. Бу ҳақда «РИА Новости» хабар бермоқда.
Маълум қилинишича, инфекциядан 50 ёшлик аёл вафот этган. Коронавирус юқтириб олган яна 4 нафар бемор оғир ҳолатда. Умумий ҳисобда, АҚШда коронавирусни юқтириб олганлар сони 60 кишини ташкил этмоқда.
Аввалроқ, АҚШда коронавирусга қарши кураш бўйича назоратчи тайинлангани, Трамп администрацияси коронавирусга қарши кураш учун давлат бюджетидан 1 млрд доллар сўраганди.
Хитой Соғлиқни сақлаш миллий комиссияси сўнгги бир сутка ичида Хитойда 35 киши коронавирус оқибатида вафот этгани, вафот этганларнинг жами сони 2870 кишига етгани ҳақида хабар берганди.
South China Morning Post хабар беришича, дунё бўйлаб коронавирус билан касалланиш 85 956 ҳолат қайд этилган. Хитойдан кейин инфекциянинг иккинчи йирик ўчоғи Жанубий Корея ҳисобланмоқда. У ерда 3150 нафар одам касалланган. Италияда 1128 ҳолат (29 нафар бемор вафот этган), Эронда 593 (43 нафар бемор вафот этган) қайд қилинган.
Изоҳ (0)