Жаҳон соғлиқни сақлаш ташкилоти коронавируснинг глобал хавфини «жуда юқори» даражага кўтарди. Бу ҳақда «РИА Новости» хабар берди.
ЖССТ бош директори Тедрос Гебрейесес касалликка қарши вакциналарнинг дастлабкилари бир неча ҳафта ичида чиқишини маълум қилди. «Дунёда 20 дан ортиқ вакцина ишлаб чиқилмоқда ва бир қатор дориларнинг клиник тадқиқотлари олиб борилмоқда», — дея қўшимча қилди ташкилот раҳбари.
ЖССТ маълумотларига кўра, Хитойдан ташқарида коронавирус билан касалланганлар сони 49 та мамлакатда 4351 кишига етган, 67 киши вафот этган.Гебрейесуснинг сўзларига кўра, сўнгги бир кун ичида Хитойда 329 та касаллик ҳолати қайд этилган, бу ойнинг энг паст даражаси бўлган
Хитойнинг материк қисмида ушбу касалликка чалинганлар сони 79 мингга яқинлашди, 2778 киши вафот этди, 36 мингдан ортиқ киши тузалди.
Аввалроқ ЖССТ раҳбари барча давлатларни коронавируснинг муқаррарлиги ҳақида ўйлашга чақирган эди.
Хитой Соғлиқни сақлаш миллий комиссиясининг маълум қилишича, мамлакат бўйлаб вирусни юқтириб олганлар сони 78 824 кишини ташкил қилиб, 32 495 киши даволанишга муваффақ бўлди. Коронавирус билан касалланиш оқибатида вафот этганлар сони 2858 кишига етди.
Аввалроқ Европа иттифоқи коронавирусга қарши курашиш учун 232 миллион евро ажратишини маълум қилган эди. Трамп администрацияси эпидемияга қарши кураш учун давлат бюджетидан 1 миллиард доллар олмоқчи эканлиги маълум бўлди. Халқаро валюта жамғармаси коронавирус сабабли жаҳон иқтисодиёти ривожланишининг 2 та сценарийсини маълум қилдиБундан ташқари, АҚШ коронавирус қайд этилган Хитой ва бошқа мамлакатларга 100 миллион доллар ажратиши маълум қилинган эди. Хитой Молия вазирлиги эса қарийб 3,9 миллиард доллар миқдорида маблағ ажратди. Кейинроқ эса Хитой ҳукумати ҳозиргача касаллик туфайли 14,36 миллиард доллардан ортиқ маблағ сарфлагани маълум бўлди.
Шунингдек, Билл Гейтс Хитойга 5 миллион доллар ажратди. Dell, PepsiCo ва Microsoft ҳам ёрдам беришини маълум қилди.
Изоҳ (0)