АҚШ коронавирусга қарши курашда Эрон ҳукуматига ёрдам таклиф қилди. Бу ҳақда АҚШ давлат котиби Майкл Помпео 28 февраль, жума куни, АҚШ Конгресси Вакиллар палатасининг ташқи ишлар қўмитасида бўлиб ўтган мажлисда маълум қилди, деб ёзмоқда «ТАСС».
«Биз Эрон Ислом Республикасига таклифлар бердик. Биз дунёнинг бошқа мамлакатларига ва минтақадаги давлатларга Эроннинг коронавирусга қарши курашида бериладиган инсонпарварлик ёрдам АҚШ томонидан тўлиқ қўллаб-қувватланишини маълум қилдик. Биз барча мамлакатларга бу борада ёрдам беришда давом этамиз. Биз техник ва тиббий ёрдам кўрсатиш учун ўз дипломатик имкониятларимиздан фойдаланамиз», — деб таъкидлаган АҚШ давлат котиби.
Сўнгги расмий маълумотларга кўра, Эронда 388 киши коронавирус билан касалланган, камида 34 та ўлим қайд этилган. Эрон соғлиқни сақлаш вазири ўринбосари ҳамда хотин-қизлар ва оила масалалари бўйича вице-президент коронавирус билан касалланган. Эроннинг Ватикандаги собиқ элчиси коронавирус туфайли вафот этди.
Аввалроқ АҚШ коронавирус қайд этилган Хитой ва бошқа мамлакатларга 100 миллион доллар ажратиши маълум қилинган эди. Трамп администрацияси коронавирусга қарши кураш учун давлат бюджетидан 1 миллиард доллар олмоқчи эканлиги маълум бўлди. Оқ уйда эса коронавирусга қарши кураш бўйича назоратчи тайинланди.
Изоҳ (0)