Италияда коронавирус келтириб чиқарадиган касаллик оқибатида вафот этган беморлар сони 21 нафарга етди, мамлакатда инфекция юқтириб олган одамлар сони эса 821 нафарни ташкил этмоқда. Бу ҳақда Фуқаролар муҳофазаси департаменти раҳбари Анжело Борелли маълум қилган, деб ёзмоқда «ТАСС».
«21 нафар одам вафот этди, инфекцияни юқтириб олганлар сони 821 нафар. Касалланганларнинг ярми, яъни 412 нафарида коронавируснинг аломатлари кузатилмаган. Вафот этган фуқароларнинг ўлими сабабларини Соғлиқ олий институти аниқлайди. Ўлганлар 70 дан 80 гача оралиқ ёшдаги кишилар экани айтилмоқда», — деган Борелли.
Борелли 345 нафар бемор касалхоналарда, 64 нафар одам эса интенсив даволаш бўлимларида ётганини қўшимча қилган. Расмий маълумотларга кўра, 27 февраль ҳолати бўйича Италияда коронавирус юқтириб олганлар сони 650 нафарни, инфекция сабаб вафот этганлар эса 17 нафарни ташкил қилган.
Мамлакат шимолидаги Ломбардия вилояти ҳокимлиги Миландаги чеклов меъёрларини юмшатиш бўйича чоралар кўрилаётганига қарамай, коронавирус эпидемияси сабаб мамлакат ҳукуматига бу борадаги қизил ва сариқ ҳудудлар орқали вирус тарқалишига қарши курашишни яна бир ҳафтага узайтиришни истамоқда. Ломбардия маъмурий маркази — Милан шаҳри сариқ ҳудуд ҳисобланади.
Мавзуга доир:
Изоҳ (0)