Бугун, 28 февраль куни, Ўзбекистон Олий Мажлиси Сенатининг иккинчи ялпи мажлиси бошланди. Бу ҳақда «Дарё» мухбири Миролим Исажонов хабар бермоқда.
85 нафар сенатор иштирок этаётган ялпи мажлисда ижтимоий-иқтисодий, суд-ҳуқуқ соҳаларидаги ислоҳотларни изчил давом эттириш, маҳалла ва оила институтини мустаҳкамлаш, болалар ҳуқуқларини ҳимоя қилишга қаратилган ўндан зиёд қонун ҳужжатлари ҳамда масалалар муҳокама қилиниши кўзда тутилмоқда.
Бундан ташқари, мажлисда сенат аъзолари Ўзбекистон ички ишлар вазирининг 2019 йилда ички ишлар органларининг жиноятчиликка қарши курашиш ва ҳуқуқбузарликларнинг олдини олиш соҳасидаги фаолияти тўғрисидаги, Ўзбекистон ташқи ишлар вазирининг 2019 йилда Ўзбекистон Ташқи ишлар вазирлиги зиммасига юкланган вазифаларни бажариш бўйича фаолияти ҳақидаги ахборотларини эшитади.
Шунингдек, Ўзбекистон Вазирлар Маҳкамасига аввал юборилган парламент сўровлари натижаларини ҳам муҳокама қилиш режалаштирилмоқда.
Сенат расмий сайтида қайд этилишича, ялпи мажлисни Олий Мажлис Сенатининг веб-сайти ва ижтимоий тармоқлардаги расмий саҳифалари орқали тўғридан-тўғри онлайн режимда кузатиб бориш мумкин.
Изоҳ (0)