Ижтимоий тармоқда Тошкентдаги «Имом Термизий» масжиди имом-хатиби Исхоқжон домла Бегматов билан боғлиқ турли гап-сўзлар тарқалди. Тармоқда тарқалган видеода айтилишича, имом масжиддаги намозхонлардан бирига ҳамманинг олдида «бемазҳаб ваҳобийларнинг битта намоёндаси» деб танбеҳ берган.
Зиддиятли тортишувга имомнинг Ўзбекистон масжидларида фарз намозидан кейин суннат намозини ҳам шу жойда ўқилиши ҳақидаги гапи сабаб бўлган.
«Хоҳласангиз устимдан шикоят қилишингиз мумкин ‘Намозни ўқимасдан амру маъруф қиляпти’ деб. Шунақа буйруқ бор. Бу буйруқ аллақачон келиб бўлган. Бу ўринда ихтилоф чиқараман деган одамнинг ўзига зарар бўлади… Марҳамат, уйингизга кирингда хоҳласангиз ‘Амин’ деб бақириб бутун ‘подъезд’ни кўтарворинг. Лекин масжидга чиққанда бу ерда қанақа ҳукм борлигини биласиз», — деган Исхоқжон домла Бегматов.
Шунингдек, имом бекорга масжиднинг ҳар бурчагига кузатув камераси қўйилмагани, ким қандай намоз ўқиётгани, нима гап гапираётгани, қандай кириб чиқаётгани — ҳаммаси кузатув остида эканлигини билдирган.
Интернет фойдаланувчилари томонидан имом-домланинг айтган гапларини турлича талқин қилиш ҳолатлари кузатилаётгани сабабли Дин ишлари бўйича қўмита матбуот хизмати ушбу масала бўйича расмий муносабат билдирди.Ушбу масалага ойдинлик киритиш мақсадида қуйидаги икки жиҳатга эътиборингизни қаратмоқчимиз:Шунингдек, қўмита фуқаролардан мазкур ҳолатни тўғри тушунишни, ижтимоий тармоқлардаги ҳар хил асоссиз ва бўҳтон гап-сўзларга эътибор қаратмасликни сўраган.Биринчидан, бугунги кунда масжидларда ибодат масаласида турли тушунмовчилик келтириб чиқараётганлар учрамоқда. Шунингдек, ижтимоий тармоқ саҳифалари орқали одамларни мазҳабсизликка чақираётганлар ҳам кузатилмоқда.
Аслида Исхоқжон домла аҳли илмлар ва юртимиздаги бошқа имом-хатиблар диёримизда азалдан мерос бўлиб келаётган, халқимизнинг қон-қонига сингиб кетган бир нечта суннатларнинг йўқ бўлиб кетишига қарши курашмоқдалар. Намоздан кейинги зикр ва дуолар, Қуръони карим тиловатини эшитиш, намозхонлар олдини кесиб ўтмаслик ва ҳоказолар шулар жумласидандир. Афсуски, бугун ушбуларни бажариш ўрнига эшикка қараб ошиқаётганлар ҳам йўқ эмас.
Имом-домланинг мақсади ҳам бир масжидда, бир сафда туриб намоз ўқиётганлар орқасида тафриқа келиб чиқмаслигини олдини олиш бўлиб, жамоатни бизнинг диёримизда мавжуд бўлган ананавий ҳанафий мазҳабига эргашишга чақирмоқда ва аҳолини бирликка чорламоқда, бу таҳсинга лойиқ.
Иккинчидан, имом-домланинг гўёки масжидларда ўрнатилган кузатув камералари намозхонларни назорат қилиб тургани ҳақидаги гаплари эса мутлақо асоссиз ҳисобланади.
Маълумки, бутун дунё миқёсида кузатув камералари одамлар ва муайян объектларнинг хавфсизлигини таъминлаш мақсадида ўрнатилади. Мисол учун, Макка ва Мадина шаҳарларидаги «Масжидул ҳарам» ва «Масжидун Набавий»да ҳам кузатув камералари зиёратчилар ва муқаддас жойларнинг хавфсизлигини таъминлаш мақсадида 24 соат давомида ишлаб туради.
Шундай экан, юртимиз масжидларидаги кузатув камералари ҳам айнан намозхонлар ва масжидлар хавфсизлигини таъминлаш учун ўрнатилган. Буни бошқача талқин қилиш – нотўғри тушунишдан бошқа нарса эмас.
Дин ишлари бўйича қўмита матбуот хизмати
Изоҳ (0)