COVID-19 коронавируси лабораторияда ишлаб чиқарилган, деган миш-мишлар ҳақиқатга тўғри келмайди. «Интерфакс»нинг ёзишича, бу ҳақда Хитойнинг Россиядаги элчиси Чжан Ханьхуэй маълум қилди.
«Мен сизга аниқ айтаманки, у (COVID-19 коронавируси) сунъий эмас. Эҳтимол, у ёввойи ҳайвонлардан тарқалган SARS вируси (атипик пневмония эпидемиясини келтириб чиқарган вирус) каби вирусдир», — деган элчи журналистларга.
Шунингдек, Чжан Ханьхуэйнинг қўшимча қилишича, олимлар ҳозирча янги коронавирус қаердан тарқалганини аниқлашда давом этмоқда. Коронавирус кўршапалаклардан тарқалгани ҳақидаги машҳур тахмин текширилаётгани, лекин ҳали ўз исботини топмаганини билдирган.
Аввалроқ элчи Хитой коронавирусга қарши вакцина ишлаб чиқилгани ҳақида ҳам хабар берган. Дорини бозорга чиқаришдан олдин уни қўшимча синовдан ўтказиш ва ишни маромига етказиш зарур.Мавзуга доир: Кувайтлик блогер коронавирусни даволаш бўйича ўзи яратган «усул» учун 3,2 млрд доллар олишни истамоқда
Бундан аввал Жаҳон соғлиқни сақлаш ташкилоти бош ижрочи директори Сумия Сваминатан COVID-19 коронавирусига қарши вакциналарни инсонда синовдан ўтказиш тўрт-беш ойдан сўнг бошланишини маълум қилганди. Экспертлар эса коронавирусга қарши биринчи вакцина 18 ойдан кейин пайдо бўлиши мумкинлигини айтган. Хитой компанияси эса коронавирус инфекциясига қарши потенциал вакцина сотувга чиқишини эълон қилди. Гонконг эса коронавирусга қарши вакцина яратилганини маълум қилган эди. Хитой фан ва техника вазири ўринбосари Сюй Наньпин Хитой янги коронавирусга қарши вакцинанинг клиник синовларини апрель охирида бошлаши мумкинлигини айтган.
Изоҳ (0)