Sony’нинг 5G’ни қўллаб-қувватлайдиган Xperia 1 II смартфони 2020 йил баҳори охирларида Европада сотувга чиқарилади. Бу ҳақда компания сайтида маълумот берилган.
Android операцион тизимида ишлайдиган, Qualcomm Snapdragon 865 5G процессори ва Snapdragon Х55 5G чипи ўрнатилган қурилма бинафшаранг ва қора рангларда чиқарилади.
Xperia 1 II смартфонида сониясига кетма-кет 20 та кадр олиш функцияси бўлиб, қурилмага Zeiss оптикали учталик камера ўрнатилган.
Sony’нинг таъкидлашича, экспозиция ҳолатида камера сониясига 60 мартагача узлуксиз автофокусировка қилади.
Изоҳ (0)