Коронавирус унинг аломатлари пайдо бўлишидан икки кун аввал юқиши мумкин. Шу сабабли Хитой расмийлари «бемор билан яқин алоқа» тушунчасига ўзгартириш киритди. Бу ҳақда мамлакат касалликлар устидан назорат фавқулодда маркази илмий ходими Сян Ницзюань маълум қилди, дея хабар беради «РИА Новости».
Расмийлар мазкур тушунчага бемор билан касаллик аломатлари пайдо бўлганидан икки кун аввал алоқада бўлган кишиларни ҳам киритди.
«Беморларда касаллик аломатлари юзага чиқишидан икки кун аввал вирус юқади, шу сабабли ‘яқин алоқа’ тушунчасига ўзгартириш киритдик. Олдин биз касалликка чалинганлар билан алоқада бўлганларни назоратга олардик. Энди беморлар билан бу ҳолат кўзга ташланганидан икки кун олдин муомалага киришганларни ҳам тиббий кузатувга олишимиз керак», — деди Сян Ницзюань.
Коронавирус 2019 йил декабрь охирларида Хитойнинг Хубэй провинцияси Ухань шаҳрида тарқала бошлаган. Коронавирус Хитойнинг материкли қисмидан ташқарида жами 28 мамлакатда кузатилган: АҚШ, Россия, Италия, Франция, Исроил, Эрон, Миср, Испания, Тайвань, Япония ва бошқалар. 23 февраль ҳолатига кўра, бутун дунёда жами 78 724 нафар одам коронавирусга чалинган, уларнинг 2,4 минг нафардан кўпроғи ушбу касалликдан вафот этган.
Мавзуга доир:
- Хитойда коронавирус оқибатида вафот этганлар сони 2,5 минг кишига яқинлашди
- Фото: Бу — коронавирус сабаб ҳувиллаб қолганЧжэнчжоу шаҳри кўчалари. Унда 10 миллион одам яшайди
- Хитойда коронавирус билан қайта касалланиш ҳолати кузатилди
- Хитой янги коронавирусга қарши вакцинанинг клиник синовларини апрель охирида бошлаши мумкин
- Хитойдаги қамоқхонада 200 дан ортиқ одам коронавирус юқтириб олгани аниқланди
- Хитойда коронавирус тарқалишига қарши курашувчи роботлар яратилди
Изоҳ (0)