АҚШда 22 февраль, шанба куни Телба Майк лақаби билан танилган 64 яшар Майкл Хьюз буғ двигателли қўлбола ракета синови чоғида ҳалок бўлди. Бу ҳақда Meduza хабар бермоқда.
Тажриба Калифорния штатининг Барстоу шаҳри яқинидаги саҳрода ўтказилганди. Хьюз ракетада 1,5 минг километр баландликка кўтарилиш ва шундан сўнг парашютда ерга қўнишни режалаштирганди.
Парвоздан кейин ракетада керакли пайт парашют очилмади ва қурилма кўп ўтмай ерга қулади.
Майкл Хьюз ўзини Ер текислиги назарияси тарафдори деб биларди. Буни исботлаш учун у 2014 ва 2018 йилларда ўзининг ракеталарини синовдан ўтказган, биринчи гал 419, иккинчи сафар 571 метр баландликка кўтарилишга муваффақ бўлганди.
Изоҳ (0)