Туркияда Эроннинг чегарадош ҳудудида рўй берган зилзила оқибатида 7 киши ҳалок бўлди. Бу ҳақда мамлакат ички ишлар вазири Сулаймон Сойлу маълум қилди, дея хабар беради «ТАСС».
«Эрондаги зилзила туфайли Ван вилоятида 7 нафар турк фуқароси ҳалок бўлди. Улардан тўрт нафари болалар эди. Яна 5 киши жароҳат олди ва касалхонага етказилди», — деди Сойлу Haber Turk телеканали эфирида.
Маълумот учун, 5,7 магнитудали зилзила 23 февраль, якшанба куни, Эрон шимоли-ғарбида қайд этилди. Унинг эпимаркази Табриз шаҳридан 141 километр ғарбда жойлашган.
Изоҳ (0)