АҚШ ҳукумати 24 февраль, душанба куни, хорижликларга Green Card лотереяси орқали мамлакатда яшаш ҳуқуқини беришнинг янги тартиб-қоидаларини тасдиқлайди. Унга кўра, давлатдан ижтимоий ёрдам эвазига яшашни истаганлар учун қоидалар қийинлаштирилади. Бу ҳақда Оқ уй матбуот хизмати маълум қилган, деб ёзмоқда «РБК».
Америка администрацияси Олий суднинг сўнгги суд тақиқларини олиб ташлаш бўйича қарорини қаноатлантирган ва бу орқали кимнинг ижтимоий ёрдам пулига муҳтожлигини ҳал этиб олади (public charge regulation). The Hill нашрининг ёзишича, танқидчилар ушбу қоидани муҳожирлар учун «бойлик тести» деб атамоқда.
Оқ уй хабарида айтилишича, ушбу чора америкалик солиқ тўловчиларни ҳимоя қилиш, ҳақиқатан ҳам ижтимоий таъминотга муҳтож америкаликлар учун дастурни қўллаб-қувватлаш ва федерал бюджетдаги дефицитни қисқартириш мақсадида қўлланилмоқда. Янги қоида асосий ҳуқуқий принциплардан бўлган АҚШ жамиятига келган янги америкаликларнинг молиявий жиҳатдан мустақил бўлиши ва солиқ тўловчиларга қарам бўлмаслигини таъминлайди.
Ушбу ташаббусни 2019 йил август ойида АҚШ президенти ёрдамчиси Стивен Миллер илгари сурганди. Таклифга кўра, ҳукумат хорижликларнинг даромади борасидаги маълумотлар ва уларнинг ижтимоий ёрдамлардан қай даражада фойдаланишига қараб, уларга Green Card беради ёки бермайди. Уларга ижтимоий таъминот, жумладан, овқатланиш талонлари, давлат томонидан берилган уй-жойлар ёки Medicaid дастури бўйича тиббий суғурта киради. Ушбу чора 1882 йилда қабул қилинган Иммиграция ҳақидаги қонундан келиб чиқиб қўлланилмоқда, ҳужжатда ҳукумат давлат томонидан боқиладиган ҳар қандай шахсга виза бермаслик ҳуқуқига эга экани ҳақида ёзилган.
Мавзуга доир:
Январь охирида АҚШ ҳукумати виза олиш бўйича қоидалар ўзгаришини маълум қилган. Улар Қўшма Штатларга фарзанди Америка фуқаролигини олиши учун мамлакатга ҳомиладор ҳолда келувчи аёлларнинг ушбу ҳаракатига қарши курашишга қаратилади. АҚШга келаётган муҳожирлар оқимини камайтириш мамлакатнинг амалдаги президенти Дональд Трамп сиёсий дастурининг асосий йўналишларидан бири эди.
Изоҳ (0)