Хитойда ўтган бир сутка давомида 394 киши коронавирус билан касалланди. Бу 23 январдан буён кузатилган энг паст кўрсаткичдир, деб хабар беради Хитой Соғлиқни сақлаш миллий комиссияси.
Пекиннинг аниқлик киритишича, касаллар сонининг сезиларли даражада камайиши статистик маълумотларнинг таҳрирланаётгани билан боғлиқ (бир кун олдин касаллар сони 1693 кишини ташкил этганди). Масалан, аввалига Ухань шаҳрининг ўзида бир кунда 600 дан ортиқ одам вирусни юқтириб олгани тахмин қилинган. Бироқ қайта текширув натижалари 279 ҳолатда коронавирус тасдиқланмаган.
Шу билан бирга коронавирус оқибатида вафот этаётганлар сони ҳам қисқарган. 18 февраль куни 132 киши вафот этган бўлса, 19 февраль куни ушбу кўрсаткич 114 ни ташкил этди (уларнинг 108 нафари Хубэйда, Хебей, Шанхай, Дутзян, Шандун, Шаньси ва Юннанда биттадан).
Мавзуга доир:
Эслатиб ўтамиз, Хитой Соғлиқни сақлаш минтақавий комиссияси Хубэй провинциясида COVID-19 коронавируси оқибатида вафот этганлар сони 2004 кишига етгани ҳақида хабар берди. Бутун дунё бўйлаб коронавирус келтириб чиқарган пневмония оқибатида 2009 киши вафот этган.
Изоҳ (0)