Россия турбизнесининг мамлакатга Хитой фуқаролари кириши ман этилганидан кўрадиган зарари февраль—март ойларида 2,8 миллиард рублни ташкил этиши мумкин. Бу ҳақда Россия туроператорлари ассоциацияси (АТОР) вакиллари маълум қилди, дея хабар беради «РБК».
Ассоциация маълумотларига кўра, 2019 йилда Россияга Хитойдан 1,5 миллион сайёҳ келган. 2020 йилда таҳлилчилар бу оқим камида 10 фоизга ошишини кутганди.
Хитойлик бир нафар сайёҳ учун Россияга сафарнинг ўртача қиймати 500 долларни ташкил этганда, туроператорлар февралда 1,4 миллиард рублни бой беради.
Келгуси ойда ҳам улар тахминан шунча даромад қилиши керак эди, бироқ хитойлик сайёҳлар мартда келмайди: улар томонидан амалга оширилган буюртмалар бекор қилинган.
Хитойлик сайёҳлар Россияга ёзги мавсумда ҳам келмаса, маҳаллий турбизнес май—сентябрь ойлари давомида 31,2 миллиард рубль даромаддан қуруқ қолиши мумкин.
Мавзуга доир: Хитой фуқароларининг Россияга кириши тақиқлаб қўйилди
Изоҳ (0)