Европа Чемпионлар Лигаси 1/8 финал босқичининг дастлабки баҳсидан ўрин олган икки учрашув 18 февраль, сешанба куни бўлиб ўтди.
Мадриднинг «Атлетико» клуби ўз майдонида мусобақанинг амалдаги чемпиони «Ливерпуль»ни қабул қилди. Майдон эгалари ўйин дебютидаёқ ҳисобни очишга эришди, бурчак зарбасидан кейин Сауль Нигес мерсисайдлар дарвозасини ишғол қилди. Мазкур гол ўйинда ягоналигини сақлаб қолди.
Параллел баҳсда «Боруссия Дортмунд» ва ПСЖ жамоалари ўзаро тўқнаш келди. Учрашувда кичик устунлик немис клуби томонида бўлди. Мезбонлар 69-дақиқада келиб Эрлинг Ҳоланднинг аниқ зарбасидан кейин ҳисобни очди.
75-дақиқада Неймар мувозанатни тиклашга эришди, бироқ орадан икки дақиқа ўтиб Ҳоланд чиройли гол билан яна мезбонларни олдинга олиб чиқди.
Мазкур жуфтликлар иштирокидаги жавоб ўйинлари 11 март куни бўлиб ўтади.
ЕЧЛ
1/8 финал, илк ўйинлар
18 февраль, сешанба
«Атлетико» — «Ливерпуль» 1:0
Гол: 1:0 — 4 Сауль.«Атлетико»: Облак, Лоди, Савич, Фелипе, Врсалко, Сауль, Коке, Лемар (Льоренте, 46), Томас, Корреа (Диего Коста, 77), Мората (Витоло, 70).
«Ливерпуль»: Алиссон, Робертсон, Александер-Арнольд, Гомес, ван Дейк, Фабиньо, Ҳендерсон (Милнер, 80), Вейналдум, Мане (Ориги, 46), Салоҳ (Окслейд-Чемберлен, 72), Фирмино.
Огоҳлантиришлар: Мане (40), Корреа (45), Гомес (59).
«Боруссия Д» — ПСЖ 2:1
Голлар: 1:0 — 69 Ҳоланд, 1:1 — 75 Неймар, 2:1 — 77 Ҳоланд.«Боруссия Д»: Бюрки, Загаду, Ҳуммелс, Пишчек, Ҳакими, Витцель, Геррейру, Санчо (Шмелцер, 90), Жан, Азар (Рейна, 68), Ҳоланд.
ПСЖ: Навас, Менье, Курзава, Тиаго Сильва, Маркиньос, Верратти, Гуйе, Ди Мария (Сарабия, 76), Кимпембе, Неймар, Мбаппе.
Огоҳлантиришлар: Витцель (44), Гуйе (54), Неймар (59), Менье (87), Верратти (89).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)