Yevropa Chempionlar Ligasi 1/8 final bosqichining dastlabki bahsidan o‘rin olgan ikki uchrashuv 18-fevral, seshanba kuni bo‘lib o‘tdi.
Madridning “Atletiko” klubi o‘z maydonida musobaqaning amaldagi chempioni “Liverpul”ni qabul qildi. Maydon egalari o‘yin debyutidayoq hisobni ochishga erishdi, burchak zarbasidan keyin Saul Niges mersisaydlar darvozasini ishg‘ol qildi. Mazkur gol o‘yinda yagonaligini saqlab qoldi.
Parallel bahsda “Borussiya Dortmund” va PSJ jamoalari o‘zaro to‘qnash keldi. Uchrashuvda kichik ustunlik nemis klubi tomonida bo‘ldi. Mezbonlar 69-daqiqada kelib Erling Holandning aniq zarbasidan keyin hisobni ochdi.
75-daqiqada Neymar muvozanatni tiklashga erishdi, biroq oradan ikki daqiqa o‘tib Holand chiroyli gol bilan yana mezbonlarni oldinga olib chiqdi.
Mazkur juftliklar ishtirokidagi javob o‘yinlari 11-mart kuni bo‘lib o‘tadi.
YChL
1/8 final, ilk o‘yinlar
18-fevral, seshanba
“Atletiko” — “Liverpul” 1:0
Gol: 1:0 — 4 Saul.“Atletiko”: Oblak, Lodi, Savich, Felipe, Vrsalko, Saul, Koke, Lemar (Lyorente, 46), Tomas, Korrea (Diyego Kosta, 77), Morata (Vitolo, 70).
“Liverpul”: Alisson, Robertson, Aleksander-Arnold, Gomes, van Deyk, Fabinyo, Henderson (Milner, 80), Veynaldum, Mane (Origi, 46), Saloh (Oksleyd-Chemberlen, 72), Firmino.
Ogohlantirishlar: Mane (40), Korrea (45), Gomes (59).
“Borussiya D” — PSJ 2:1
Gollar: 1:0 — 69 Holand, 1:1 — 75 Neymar, 2:1 — 77 Holand.“Borussiya D”: Byurki, Zagadu, Hummels, Pishchek, Hakimi, Vitsel, Gerreyru, Sancho (Shmeltser, 90), Jan, Azar (Reyna, 68), Holand.
PSJ: Navas, Menye, Kurzava, Tiago Silva, Markinyos, Verratti, Guye, Di Mariya (Sarabiya, 76), Kimpembe, Neymar, Mbappe.
Ogohlantirishlar: Vitsel (44), Guye (54), Neymar (59), Menye (87), Verratti (89).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)