Футбол бўйича Англия чемпионатининг 26-тури доирасида «Челси» ўз майдонида «Манчестер Юнайтед»га 0:2 ҳисобида ютқазди.
Ушбу натижа сабаб «Ливерпуль» клуби ҳар қандай натижа қайд этилишидан қатъи назар Англия Премьер Лигасида 4-ўриндан пастга тушиб кетмаслик орқали Чемпионлар Лигасининг 2020/21 йилги мавсумига йўлланмани қўлга киритди. Қайд этиш жоиз, «Ливерпуль» Европада йўлланмани биринчи бўлиб қўлга киритди.
АПЛда бешинчи ўринда бораётган «Челси» ҳамда «Тоттенҳэм» клублари 27-турда ўзаро тўқнаш келади. Ушбу баҳсда ғолиб бўлган клуб «Ливерпуль»ни назарий жиҳатдан қувиб олиш имкониятига эга бўлади. Мағлуб эса бундай имкониятдан айрилади. Қайд этиш жоиз, Лондон клублари «Ливерпуль» қолган ўйинларда ютқазсагина ундан ўтиб кетиши мумкин, холос.
Айни дамда «Челси» ҳисобида 41, «Тоттенҳэм»да эса 40 очко мавжуд. «Ливерпуль» эса 76 очко билан мусобақа жадвалида якка пешқадам бўлиб турибди. Мусобақа якунига эса 12 та тур қолди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)