Россия Федерацияси Қрим республикаси Керч шаҳрида яшовчи 2003 ва 2004 йилларда туғилган икки нафар ўсмир иккита таълим муассасасида теракт содир этишни режалаштирганликда айбланиб ҳибсга олинди. Бу ҳақда Meduza хабар қилди.
Қўлга тушганларнинг бири Федерал хавфсизлик хизмати вакиллари билан суҳбатда мактабни портлатмоқчи бўлганини тан олган. Иккинчи теракт режалаштирилган жойнинг қаер эканлиги номаълумлигича қолмоқда.
Гумонланувчиларнинг уйидан қўлбола портлаш мосламалари ва уларни ясашга керак бўладиган хом ашё топилган.
«Портловчи қурилмалар уй ҳайвонларида синаб кўрилган», — дейилади Россия ФХХ маълумотида.
Россия ФХХ икки нафар ўсмирнинг 2018 йилда Керчдаги коллежда 20 нафар одамни ўлдирган 18 ёшли Владислав Росляковнинг издошлари ва у яратган вайронкор ғоя тарафдорлари эканини қайд этган.
Суриштирув вақтида ушбу икки ўсмирнинг ижтимоий тармоқлар ва мессенжерларда «ўлим гуруҳлари» ташкиллаштириш, у ерда бошқа тенгдошларини оғир жиноятлар содир этишга чорлаш ҳаракатларини ҳам амалга оширганлиги маълум бўлган.
Изоҳ (0)