Хитойда янги турдаги COVID-19 коронавирусини юқтириб олганлар сони 72 минг кишидан ошиб кетди. Вирус оқибатида вафот этганлар сони эса 1868 кишига етди. Бу ҳақда Хитой Соғлиқни сақлаш миллий комиссияси хабар берди.
Сўнгги бир сутка давомида мамлакат ҳудудида яна 1886 одам вирусни юқтириб олгани аниқланган, уларнинг аксарияти Хубэй провинциясида. 17 февраль кунининг ўзида 98 киши вирус оқибатида вафот этган.
Шу билан бирга ўтган сутка давомида даволанган 1701 кишига шифохонадан жавоб берилган, текширувлардан ўтган 27 908 кишидан вирус аниқланмаган.
Жами 12 552 бемор даволанишга муваффақ бўлган, бутун мамлакат бўйлаб текширувлардан ўтганлар сони 561 минг кишига етган.
Мавзуга доир:
Хитойдаги йирик фармацевтика компанияларидан бири Zhejiang Hisun Pharmaceutical ҳукуматдан COVID-19 коронавирусига қарши «Favipiravir» потенциал дори воситасини сотишни бошлаш бўйича рухсат олди.
Изоҳ (0)