16 февраль куни «Амирсой» тоғ-чанғи курортида 34 ёшли фуқаро вафот этди. Бу ҳақда ИИВ ахборот хизмати «Дарё»га маълум қилди.
Таъкидланишича, 16 февраль куни соат 15:05 да Тошкент шаҳри Мирзо Улуғбек туманида яшовчи 1986 йилда туғилган И.А. исмли фуқаро Бўстонлиқ туманида жойлашган «Амирсой» дам олиш масканида тўсатдан соғлиғи ёмонлашиб, вафот этган.
Суд-тиббий экспертизасининг хулосасига кўра, фуқаронинг вафот этишига юрак хасталиги сабаб бўлган.
Эслатиб ўтамиз, 2019 йилнинг 21 декабрида фойдаланишга топширилган «Амирсой» курортида ушбу фожиа иккинчи ҳолат ҳисобланади. Жорий йилнинг январь ойи бошларида ҳам бир чанғичи йўқолиб қолган эди, қидирув ишлари натижасида у чанғи трассасидан ташқарида ўлик ҳолда топилганди.
Изоҳ (0)