«Интер» ярим ҳимоячиси Стефано Сенси жароҳат олиб сафдан чиқди, деб хабар беради Corriere dello Sport.
Маълум бўлишича, 24 ёшли Сенси 15-20 кун давомида майдонга туша олмайди. Футболчига чап оёқ бармоқлари суягининг синиш ташхиси қўйилган.
Шу тариқа футболчи Европа Лигаси 1/16 финалидан ўрин олган «Лудогорец»га қарши баҳсни ўтказиб юборади. Бундан ташқари футболчи А Серия доирасида 1 март куни «Ювентус»га қарши ўтадиган ўйинни ҳам катта эҳтимол билан ўтказиб юборади.
Сенси жорий мавсум Италия чемпионатининг 12 та ўйинида майдонга тушиб, 3 та гол урди ва 3 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)