«Барселона» жароҳат олиб сафдан чиққан ҳужумчилари — Луис Суарес ҳамда Усмон Дембеленинг ўрнига янги форвард олиб келиши кутилмоқда, деб ёзади Mundo Deportivo.
Каталонияликлар бош мураббийи Кики Сетьен клуб спорт директори Эрик Абидаль билан маслаҳатлашиб, 4 нафар ҳужумчи номзодини раҳбариятга тақдим этишга келишиб олган.
Унга кўра ушбу рўйхатдан «Хетафе»нинг 32 ёшли аъзоси Анхель Родригес, «Алавес»нинг 31 ёшли вакили Лукас Перес ҳамда «Бетис»нинг 26 ёшли ҳужумчиси Лорен Морон ўрин олган.
Қайд этилишича, ушбу футболчиларнинг трансфери 10-15 миллион евро атрофида баҳоланмоқда. Сотиб олинган футболчи УЕФА чеклови сабаб Чемпионлар Лигасида иштирок эта олмайди. Бироқ у бемалол Ла Лигада майдонга тушиши мумкин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)