Валентин кунидаги оммавий тўй, ниқобга ўралган гуллар, Антарктидадаги «жазирама». 14 февралнинг энг қизиқарли суратлари

14 февраль, жума куни дунёнинг турли бурчакларида олинган энг қизиқарли суратлар жамланмасини тақдим этамиз.

Манила, Филиппин

Маниладаги бозорда тиббиёт ниқоблари гуллар билан бирга сотилмоқда. Сотувчи Моника Кастронинг сўзларига кўра, гуллар коронавирус даҳшатидан сўнг одамларнинг кайфиятини кўтаришга хизмат қилмоқда.

Хеврон, Фаластин

Иброҳим масжидида намоз ўқиётган фаластинликлар.

Шанхай, Хитой

Валентин кунида никоҳдан ўтган 29 ёшли Цзя ва унинг хотини 28 ёшли Су никоҳ гувоҳномаси билан суратга тушмоқда.

Измир, Туркия

Жандармерия мактабида зобитларни тайёрлаш дастури доирасида ўқитилаётган аёллар.

Чикаго, АҚШ

Қалин муз билан қопланган велосипед.

Антарктида

Антарктидада ҳаво ҳарорати кўтарилиб, тарихда илк марта 20 даража иссиқ бўлди.

Мапел, Жанубий Судан

БМТнинг яраштирув дастури асосидаги миссия доирасида стажёр аскарлар қуролларнинг ёғочдан ясалган моделини кўтариб олган. БМТ дастури ҳукумат ва мухолифат кучларини бирлаштиришга қаратилган.

Сиануквил, Камбоджа

Westerdam круиз лайнеридан қирғоққа тушган йўловчиларнинг хурсандчилиги. Коронавирус хавфи сабаб беш мамлакат лайнерни қабул қилишни истамаганди.

Манила, Филиппин

Валентин кунида оммавий тўй маросимлари ўтказилди.

Аюттхая, Таиланд

Аюттхаядаги мактаб ўқувчилари Валентин кунида коронавирус авж олган Хитойни қўллаб-қувватлаш учун юрак шаклини ҳосил қилмоқда.

Новосибирск, Россия

Иккинчи жаҳон уруши фахрийлари Сибирдаги хотира галереясида.

Брюссель, Бельгия

Шоколадли бош кийим кийган модел шоколадлар фестивали доирасидаги мода намойишига чиқишга ҳозирланмоқда.

Сингапур

Сингапурдаги «Келажак дунёси: санъат ва илм-фан учрашадиган жой» номли кўргазма.

Веллингтон, Янги Зеландия

Чироқлар фестивали доирасида рақс тушаётган аёллар.

Якутск, Россия

Калининградлик эркак Якутскда қор остида узоқ вақт бўлиш бўйича рекорд ўрнатди. Олег Резанов 35 даража совуқда қор остида 12 дақиқа 52 сония тура олди.

Германия

Канцлер Ангела Меркель 2 евро қийматидаги эсдалик тангалари намойишида иштирок этди.

Кашмир, Ҳиндистон

Ҳарбийлар Пулвамадаги ҳужумга бир йил тўлиши муносабати билан ҳалок бўлганларнинг хотирасига ҳурмат кўрсатмоқда. 2019 йил 14 февралда полициячиларни олиб кетаётган автобусга Кашмирдаги террорчилик ташкилоти аъзоси бошқарувидаги портловчи моддалар билан тўлдирилган машина келиб урилганди.

Аюттхая, Таиланд

Валентин куни мактабда ҳимоя ниқобида келаётган қиз.