Хитойдаги асосий саноат тармоқлари бўйича корхоналар коронавирус тарқалиши шароитида ишлаб чиқаришни давом эттиришни бошлади, бироқ ҳали ҳам уларнинг ишини қийинлаштирувчи муаммолар мавжуд. «РИА Новости»нинг хабар беришича, бу ҳақда Хитой тараққиёт ва ислоҳотлар бўйича миллий комиссияси вакили Цун Лян маълум қилди.
«Мамлакатдаги умумий вазиятдан келиб чиқсак, Хубэй провинциясидан ташқари барча жойларда ишлаб чиқариш, айниқса, тиббиёт ва озиқ-овқат маҳсулотлари, энергетика, транспорт ва логистика каби асосий ишлаб чиқариш соҳалари ўз фаолиятини аста-секин тикламоқда», — деган Сун Лян.
Унинг айтишича, 10 февраль ҳолатига кўра мамлакатнинг 22 ҳудудида ҳимоя ниқобларини ишлаб чиқарувчи корхоналар ишлаб чиқаришни 76 фоизга, ҳимоя кийимларини ишлаб чиқарувчи корхоналар — 77 фоизга, дон етиштириш ва уни қайта ишлаш корхоналари — 94,6 фоизга тиклашга эришди.
Кўмир конларида ишлаб чиқариш 57,8 фоизга қайта тиклангани, электр энергияси, табиий газ етарли миқдорда етказиб берилаётгани, темир йўл, авиация ва сув транспорти алоқалари яхши ишлаётганини ҳам таъкидлаган.
Шу билан бирга, ишлаб чиқаришни тўлиқ миқёсда қайта тиклашда ишчи кучи етишмаслиги, айрим жойларда иш вақти бошланиши чегаралангани, касаллик тарқалишининг олдини олиш учун профилактика товарлари етишмаслиги каби бир қатор муаммоларга дуч келишини жуда яхши тушунишини айтиб ўтган.
Хитой соғлиқни сақлаш миллий комиссияси берган сўнгги маълумотларга кўра, Хитойда коронавирус оқибатида вафот этганлар сони минг кишидан ошиб кетди.
Изоҳ (0)