Ички ишлар вазирининг собиқ ўринбосари янги лавозимга тайинланди

Ички ишлар вазирининг жамоат тартибини сақлаш бўйича собиқ ўринбосари Муҳиддин Жўраев Қўқон шаҳар ички ишлар органлари фаолиятини мувофиқлаштириш бошқармасига бошлиқ этиб тайинланди. Подполковник Муҳиддин Жўраев 2014—2016 йилларда Мирзо Улуғбек тумани ИИБ бошлиғи, 2016—2018 йилларда Сирдарё вилоят ИИБ бошлиғи лавозимларида ишлаган.

У 2018 йилнинг декабрь ойи охирида ички ишлар вазири ўринбосари лавозимига тайинланган эди. Шунингдек, 2019 йил июлида Ўзбекистон футбол ассоциацияси вице-президенти лавозимини эгаллаган.

Полковник Муҳиддин Жўраев эндиликда Қўқон шаҳар ИИО ФМБ бошлиғи сифатида фаолият кўрсатади.

«Дарё» мухбирининг хабар беришича, 11 февраль, сешанба куни, вилоят ҳокими Шуҳрат Ғаниев, вилоят ҳуқуқ-тартибот идоралари раҳбарлари томонидан янги раҳбар кенг жамоатчиликка таништирилди.

Эслатиб ўтамиз, Президентнинг 2019 йил 18 ноябрдаги қарори билан Ички ишлар вазирининг жамоат тартибини сақлаш бўйича ўринбосари Муҳиддин Жўраев лавозимидан озод қилинган эди.