Тошкентнинг Чилонзор туманида содир бўлган йўл-транспорт ҳодисаси натижасида бир киши ҳаётдан кўз юмди. Бу ҳақда пойтахт ИИББ матбуот хизмати хабар қилди. Ҳодиса акс этган видео эса ижтимоий тармоқларда тарқалди.
Авария 6 февраль куни ярим тунда Арнасой кўчасида содир бўлган. 25 ёшли Жавоҳир М. бошқариб келаётган Spark 36 ёшли Даврон А. бошқарувидаги Matiz билан тўқнашган.
ЙТҲ натижасида Matiz ҳайдовчиси олган тан жароҳатлари туфайли ҳодиса жойида вафот этган. Унинг 27 ёшли йўловчиси Азизулло М. тан жароҳатлари билан шифохонага ётқизилган.
Шунингдек, Spark ҳайдовчиси, унинг йўловчилари — 22 ёшли Акбар А., 18 ёшли Аббос Х. ва 20 ёшли Абдуллоҳ Х. ҳам тан жароҳатлари билан шифохонага ётқизилган.
ИИББ маълумотларига кўра, машиналар тўқнашуви Matiz ҳайдовчиси белгиланмаган жойдан орқага қайтиб олишга қарор қилгани сабабли содир бўлган.
Изоҳ (0)