АҚШнинг Tesla автомобиль ишлаб чиқарувчисининг Panasonic билан ташкил қилинган қўшма корхонасида дастлабки даромадни олгани эълон қилиши ортидан автомобиль ишлаб чиқарувчининг нархи бир кунда 19,89 фоизга ошди. Бу ҳақда Nasdaq биржаси кўрсаткичларидан маълум бўлди.
Биржа савдолари давомида компаниянинг бир дона акцияси нархи 780 долларга кўтарилиб, компаниянинг капитализатия қиймати 140,5 миллиард долларга етди. Бу Tesla компаниясининг 2013 йил май ойидан бери рекорд даражадаги энг юқори кунлик ўсиши бўлди.
Ҳозирги кўтарилиш 2019 йил май ойида, акциялар нархи 185 долларга тушганда бошланган. Декабрь ойи бошида ўсиш сезиларли даражада тезлашди ва январь ойида Tesla’нинг қиймати 100 миллиард доллардан кўпроқни ташкил этди.
Ушбу кўрсаткич бўйича компания General Motors ва Ford каби компанияларнинг биргаликдаги умумий қийматини ортда қолдирди. Мазкур икки компания энг кўп автомобиль ишлаб чиқаради ва тарихдаги энг қиммат автомобиль ишлаб чиқарувчисига айланган.
Бир ҳафта олдин Tesla 2019 йилдаги соф йўқотиши 12 фоизга, даромади эса 14,5 фоизга ўсганини ҳамда автомобиль етказиб бериш бўйича ўз рекорди ҳақида хабар берганди. Дастлаб Tesla Хитойда АҚШдан ташқаридаги биринчи заводини очган бўлиб, у истиқболли маҳаллий бозорга автомобиль етказиб беришни жиддий равишда оширишга хизмат қилиши керак.
Tesla ва Panasonic иштирокидаги қўшма корхона аккумуляторлар ишлаб чиқариш билан шуғулланади. Аввалги йилларда мазкур корхона ишлаб чиқариш муаммолари сабабли зарар кўриб ишлаган.
Tesla 2020 йилда ярим миллиондан ортиқ автомобиль ишлаб чиқаришни режалаштирмоқда. Шу билан бирга, таҳлилчилар Tesla ҳолатининг барқарорлашиши ва бир йилдан кам вақт ичида акцияларнинг уч баравар қимматлашиши компаниянинг қарз муаммосини ҳал этмаслигини таъкидламоқда, декабрь ойи охирида компаниянинг қарзи 13,42 миллиард долларни ташкил этган.
Изоҳ (0)