Туркия Сурия билан чегарада қўшимча зирҳли транспорт воситалари ва аскарларни жойлаштирди, деб хабар бермоқда «Коммерсантъ» News Тurkey’га таяниб. Танклар Хатай вилоятига жойлаштирилган.
«Туркия Идлибда гуманитар фалокатнинг олдини олиш ва минтақада барқарорликни сақлаш учун дипломатик ёки ҳарбий жиҳатдан зарур бўлган барча ишларни амалга оширади», — деган Туркия парламентининг ташқи ишлар қўмитаси аъзоси Аҳмет Берат Конкар.
Туркия президенти Ражаб Тоййиб Эрдўғон агар яқин кунларда деэскалация ҳудудидаги вазият барқарорлашмаса, мамлакат Суриянинг шимолидаги Идлиб вилоятида ҳарбий операция бошлаши мумкинлиги ҳақида огоҳлантирган.
Президент ҳозирда Туркияда 3,6 миллиондан ортиқ суриялик қочқинлар борлигини эслатиб, мамлакат янги муҳожирлар оқимини қабул қила олмаслигини таъкидлаган.
Изоҳ (0)