Грузия собиқ президенти, Одесса собиқ губернатори Михаил Саакашвили яна бир бор Украинанинг фалокати ҳақида гапирди, деб хабар беради EADaily.
«112 Украина» телеканали орқали чиқиш қилган сиёсатчининг сўзларига кўра, агарда мамлакатдаги сиёсий вазият ҳозиргидек сақланиб қолса, яқин келажакда Украина бешта мустақил анклавга ажралиб кетади.
Собиқ губернаторнинг таъкидлашича, Украина зудлик билан ўз сиёсатини ўзгартириши лозим, чунки ҳозирги сиёсий ҳолат сақланиб қолгудек бўлса, туманларда сепаратизм ўсиб, бешта давлат юзага келади.
Шунингдек, Саакашвили бугунги кунда Украинанинг минтақавий элиталари иқтисодий инқироз ҳолатида ишга солиши мумкин бўлган ўзларининг шахсий армияларини тузиб улгурганини айтди.
«Сиёсий тизим ўзгартирилмаса, нафақат ўғрилар, балки сепаратизм юзага келади, Украина ростдан ҳам парчалана бошлайди. Сиз пулга тўлиб-тошган маҳаллий фуқароларнинг шахсий армияси борлигини тушунишингиз керак, масалан, Трухановда (Одесса мэри) шахсий армия бор, Кернесда эса (Харьков мэри) қўлидан ҳар қанақа иш келадиган малайлари бор. Улар шунчаки ҳеч ерга кетмайди. Улар Украина яна бешта давлатга айланиши учун инфратузилмани тайёрламоқда, чунки бунга ҳозирга қадар ҳам ташқи кучлар жалб қилинган», — дейди грузиялик украин.
Изоҳ (0)