Россия 3 февралдан бошлаб Хитой билан темир йўл орқали йўловчилар қатновини номаълум муддатга тўхтатди. Бу ҳақда Россия темир йўллари матбуот хизмати хабар берди.
Бу қарорни коронавирус тарқалишининг олдини олиш мақсадида Россиянинг темир йўл транспорти бўйича бош санитар шифокори Юрий Косков қабул қилинган.
Эслатиб ўтамиз, 31 январдан бошлаб Россия Хитой билан темир йўл алоқаларини чеклаган эди.
Аввалроқ Россия коронавирус тарқалиши билан боғлиқ вазият сабабли Хитойнинг Хубэй провинциясидан ўз фуқароларини эвакуация қилиш чора-тадбирларини бошлаганини маълум қилганди. Шунингдек, Россияда янги турдаги коронавирусни юқтириб олиш билан боғлиқ дастлабки икки ҳолат қайд этилган.
Изоҳ (0)