Янги Зеландия ҳукумати Хитойда тарқалган коронавирус туфайли у ерда бўлган хорижлик сайёҳларнинг мамлакат ҳудудига киришини тақиқлаб қўйди. Бу ҳақда Radio New Zealand нашри хабар берган.
Тақиқ 3 февралдан кучга киради. Янги Зеландия фуқаролари ва уларнинг хориждаги яқин қариндошлари мамлакат ҳудудига кириши мумкин. Бироқ бунда улар чуқурлаштирилган тиббий текширувдан ўтказилади ва 14 кун давомида карантинда ушлаб туради.
Янги Зеландия бош вазири Жасинда Ардерн бу каби чора-тадбирлар давлат учун жуда муҳимлиги, ушбу ҳаракат эпидемия тарқалишини олдини олиши ва уни ушлаб туришини билдирган.
АҚШ президенти Дональд Трамп Хитойда бўлган хорижликларнинг мамлакатга киришини вақтинчалик тақиқлаган. Америка фуқароларининг оила аъзолари, шунингдек АҚШда доимий яшаш рухсатномасига эга одамларга истисно тариқасида бунга рухсат берилган. Улар мажбурий равишда карантинга олинади, тиббий текширувдан ўтказилади ва уларга зарур ёрдам кўрсатилади. Пентагон коронавирусга қарши кураш жараёнига жалб қилинган.
Мавзуга доир: