Лондонда пичоқ билан қуролланган эркак ўткинчиларга ҳужум қилди

Лондон жанубида пичоқ билан қуролланган эркак ўткинчиларга ҳужум қилди. Бу ҳақда Британия пойтахти полицияси маълум қилди, дея хабар беради Meduza.

Дастлабки маълумотларга кўра, икки киши яраланган. Уларга тиббий ёрдам кўрсатилган.

Ҳужум уюштирган шахс ҳодиса жойига етиб келган полициячилар томонидан отиб ўлдирилган. Гувоҳлар учта ўқ товушини эшитганини айтмоқда.

Мазкур ҳужум сабаблари очиқланмаган. Полиция ҳодисани террорчилик билан боғламоқда.