30 январь куни АҚШда коронавирус билан касалланиш билан боғлиқ олтинчи ҳолат аниқланди, деб хабар берди «Коммерсантъ».
Қайд этилиши, бу янги турдаги вируснинг инсондан инсонга юқиши билан боғлиқ илк ҳолат ҳисобланади.
АҚШ президенти Дональд Трамп мамлакатда вазият назорат остида эканлигини айтган.
Хитойда коронавирусдан 200 дан ортиқ киши вафот этди, бутун дунё бўйлаб вирусни юқтирганлар сони 9,6 мингдан ошиб кетган.
АҚШдаги янги турдаги вирус билан касалланган олтинчи бемор мураккаб эпидемик вазият ҳукм сураётган Ухань шаҳридан қайтган 60 ёшли америкалик аёл бўлди.
Коронавирус аломатлари беморнинг турмуш ўртоғида ҳам кузатилган, уларнинг иккаласи ҳам касалхонага ётқизилган.
Дональд Трамп АҚШ Хитой ва бошқа мамлакатлар билан янги вирус эпидемиясининг олдини олиш юзасидан ҳамкорлик қилаётганини айтган.
«Умид қиламанки, вазият айрим инсонлар кутаётганидек ёмон бўлмайди. Ўйлашимча, бизда ҳаммаси назорат остида», — дейди Трамп.
Жаҳон соғлиқни сақлаш ташкилоти (ЖССТ) 2019-nCoV коронавирусининг тарқалишини халқаро даражадаги тиббий фавқулодда ҳолат деб эълон қилди.
Изоҳ (0)