Telegram messenjeri chat va kanallarni alohida ruknga ajratish funksiyasini sinovdan o‘tkazishni boshladi. Bu haqda Telegram Info xabar berdi.
macOS uchun yaratilgan sinov talqini chatlarni turlari bo‘yicha ajratish funksiyasiga ega bo‘lgan. Filtrni ochish uchun “Chatlar” bo‘limi ustida sichqonchaning o‘ng tugmasini bosish kerak.
Filtr yordamida o‘qilgan va o‘qilmagan xabarlarni, shuningdek, bot, guruh, kanal va shaxsiy chatlarni ajratish mumkin bo‘ladi.
Qayd etilishicha, foydalanuvchilar ko‘p marta kanallar va chatlarni ajratish imkoniyatini berishni so‘ragan. Bunga javoban mazkur funksiya sinovdan o‘tkazilmoqda.
Telegram’da mazkur funksiya qachon rasman ishga tushirilishi ma’lum qilinmagan.
Izoh (0)