Испаниялик ижодкор Сальвадор Дали томонидан яратилган асарларга бағишлаб Стокгольмдаги Couleur галереясида бўлиб ўтаётган кўргазмадан 10—12 дона бронза ҳайкалчалар ва ўймакорлик санъат асарлари ўғирлаб кетилди. Бу ҳақда галерея эгаси Педер Энстрёмга таяниб, Aftonbladet нашри хабар берди.
Жиноятчилар галереяга 30 январга ўтар кечаси ўғирликка тушган. Қўриқчилар эса ўғирлик ҳақида соат 04:00 ларга яқин хабар топган. Полиция галерея олдидан Audi автомобилида қочиб кетган икки кишини қидирмоқда. Гумонланувчилар ҳозирча қўлга олингани йўқ.
Ўғирлаб кетилган ҳар бир санъат асари 200—500 минг швед кронаси (19—47 минг евро) атрофида туради, умумий қиймати эса қарийб 380 минг еврога тенг.
Изоҳ (0)