Ҳиндистондаги Сикандарпур қишлоғи аҳолисига маймунлар ҳужум қилиб туради. Маймунларни ҳайдаш учун қишлоқ аҳолиси айиқ костюмини кийиб кўчаларда юришни бошлади. Бу усул иш берди ва маймунларнинг одамларга ҳужумлари кескин камайди, деб ёзмоқда Meduza.
Қишлоқ раҳбарининг сўзларига кўра, айиқ костюми ҳақидаги фикрни унга қариндоши айтган. Қишлоқ аҳолиси пул йиғган ва учта айиқ костюмини сотиб олган. Энди қишлоқ аҳолиси вакиллари навбат билан айиқ кийимида кўчага чиқмоқда.
Маҳаллий ўрмончи яқин вақт ичида қишлоққа ташриф буюриб, мазкур тажрибанинг натижасини ўз кўзи билан кўришга ваъда берган. Агар натижалар уни қониқтирса, бу амалиёт худди шундай муаммоси бўлган бошқа қишлоқлар аҳолисига ҳам таклиф қилинади.
Изоҳ (0)