АҚШнинг Калифорния штати Сан-Бернардино округи маъмурияти Ухандан махсус рейс билан олиб келинган фуқароларни вақтинча изоляция қилиш имкониятини кўриб чиқмоқда, деб хабар берди «ТАСС».
АҚШ ҳукумати Ухандаги АҚШ бош консуллиги ходимларини ҳамда пневмония тарқалган ҳудуддаги айрим фуқароларни ватанига эвакуация қилишни режалаштирмоқда.
«Улар (йўловчилар) самолётдан тушганидан кейин изоляция қилинади. Улар жамоат жойларига бормайди», — дейди Сан-Бернардино кузатув кенгаши раис Курт Хегман.
У ташриф буюрганларнинг барчаси касалликларни назорат қилиш ва олдини олиш маркази ходимлари томонидан текширилаётганини таъкидлади. Хегманнинг сўзларига кўра, йўловчилар уч кундан икки ҳафтагача аэропортдаги махсус жиҳозланган хонага жойлаштирилади.
Аввалроқ АҚШ махсус рейс билан Ухандан фуқароларини олиб кетаётгани ҳақида хабар берилган эди.
Изоҳ (0)