Uxandan evakuatsiya qilingan AQSh fuqarolari vaqtincha karantin ostiga olinadi

AQShning Kaliforniya shtati San-Bernardino okrugi ma’muriyati Uxandan maxsus reys bilan olib kelingan fuqarolarni vaqtincha izolyatsiya qilish imkoniyatini ko‘rib chiqmoqda, deb xabar berdi “TASS”.

AQSh hukumati Uxandagi AQSh bosh konsulligi xodimlarini hamda pnevmoniya tarqalgan hududdagi ayrim fuqarolarni vataniga evakuatsiya qilishni rejalashtirmoqda.

“Ular (yo‘lovchilar) samolyotdan tushganidan keyin izolyatsiya qilinadi. Ular jamoat joylariga bormaydi”, — deydi San-Bernardino kuzatuv kengashi rais Kurt Xegman.

U tashrif buyurganlarning barchasi kasalliklarni nazorat qilish va oldini olish markazi xodimlari tomonidan tekshirilayotganini ta’kidladi. Xegmanning so‘zlariga ko‘ra, yo‘lovchilar uch kundan ikki haftagacha aeroportdagi maxsus jihozlangan xonaga joylashtiriladi.

Avvalroq AQSh maxsus reys bilan Uxandan fuqarolarini olib ketayotgani haqida xabar berilgan edi.