ПСЖ ҳужумчиси фаолиятини Мадриднинг «Атлетико» клубида давом эттиришга яқин турибди, деб хабар бермоқда АS.
Уругвайлик 32 ёшли ҳужумчининг агенти Мадридга етиб келган. У трансфер масаласини ҳал этиш учун келгани айтилмоқда. Ушбу трансфер масаласи бугун ҳал этилиши мумкин.
Унга кўра, Кавани «Атлетико» билан 2,5 йиллик шартномага имзо чекади. Уни яна бир йилга узайтириш мумкин бўлади.
Эслатиб ўтамиз, «Атлетико» аввалроқ ПСЖга Кавани учун 15 миллион евро таклиф қилганди. Бундан ташқари парижликлар 3 миллион евро бонусга эга бўлиши қайд этилганди.
Маълумот учун, Эдинсон жорий мавсум Лига 1 доирасида тўққизта учрашувда майдонга тушиб, иккита гол урди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)