Ўзбекистон истеъмолчилар ҳуқуқини ҳимоя қилиш жамиятлари федерацияси 2019 йилда истеъмолчилар фойдасига 10 миллиард сўмдан ортиқ маблағни ундириб берган. Бу ҳақда федерация томонидан «Дарё»га маълум қилинди.
Хабар берилишича, Ўзбекистон истеъмолчилар ҳуқуқларини ҳимоя қилиш жамиятлари федерацияси ва унинг ҳудудий тузилмалари ҳамда туман, шаҳар жамиятларига 2019 йилда истеъмолчилардан жами 10261 та мурожаат келиб тушган. Ушбу мурожаатларнинг 5096 таси оғзаки, 3519 таси ёзма, 1646 таси эса электрон шаклда юборилган.
Федерацияга келиб тушган 1646 та электрон мурожаатнинг 1408 таси «Президентга мурожаат портали», 233 таси Давлат хизматлари ягона интерактив поратли орқали Бош прокуратура томонидан белгиланган тартибда кўриб чиқиш учун йўлланган.
Жумладан, 2019 йилда фуқароларнинг мурожаатларини ўрганиб, соҳалар кесимида таҳлил қилинганда истеъмолчилардан келиб тушган мурожаатларнинг катта қисми савдо соҳасига тегишли экани маълум бўлган. Шунингдек, қуйидаги соҳалар бўйича ҳам мурожаатлар келиб тушган.
- савдо соҳаси — 3991 та;
- газ таъминоти — 865 та;
- электр таъминоти — 1228 та;
- сув таъминоти — 534 та:
- коммунал хизматлар — 472 та;
- соғлиқни сақлаш — 178 та;
- хизмат кўрсатиш (сервис) — 878 та;
- транспорт — 301 та;
- алоқа ва интернет — 299 та;
- бошқа соҳалар — 1516 та.
Изоҳ (0)