Хитойдан Россияга учиб келган беморнинг учинчиси инфекция аломатлари билан Санкт-Петербург касалхонасига ётқизилди, деб хабар бермоқда «Интерфакс».
Қайд этилишича, уларнинг барчасига ЎРВИ деб дастлабки ташхис қўйилган. Таҳлил натижалари эса Роспотребназдор текшириш лабораториясига юборилган.
Беморлар юқумли касалликлар шифохонасига ётқизилган бўлиб, уларнинг аҳволи қониқарли деб баҳоланмоқда.
Аввалроқ Санкт-Петербургда икки киши коронавирус билан касалланганликда гумонланиб касалхонага ётқизилгани хабар берилган эди. Хабаровскда кузатилган яна бир ҳолат шифокорларни ташвишга солган. Аммо аниқланган уч ҳолатнинг иккисида касаллик ташхиси тасдиқланмаган.
Сўнгги маълумотларга кўра, коронавирус сабабли вафот этганлар сони 17 кишига етди. Ушбу вирус билан касалланиш асосан Хитойнинг Ухань шаҳрида қайд этилган бўлса-да, касалликка чалиниш ҳолатлари Таиланд, Япония, АҚШ, Жанубий Кореяда ҳам кузатилган.
Изоҳ (0)